مخطط شبكة الفلل بالكويت: واي فاي، كاميرات، انتركم وتلفونات

شنو تحتاج فيلا عادية بسرداب و٣ أدوار؟

٥ أكسس بوينت، ٦ كاميرات خارجية على جهاز تسجيل ٨ قنوات، انتركم وحدة للبوابة، و٤ تلفونات IP، وكلها بكيبل لكبينة وحدة. هذا نفس البيت اللي بالفيديو.

كم أكسس بوينت تحتاج الفيلا بالكويت؟

وحدة بالسقف بكل دور، وثنين إذا الدور أكبر من ٣٠٠ م² تقريباً، ووحدة للملحق، وكل شقة مستقلة لها وحدة على الأقل. فيلا بسرداب و٣ أدوار وملحق تحتاج تقريباً ٥.

المهندس يأكد العدد بالزيارة حسب الجدران والمساحة. وإذا عندك حديقة أو مسبح، نضيف أكسس بوينت خارجي.

Mesh ولا أكسس بوينت بكيبل للفيلا الخرسانية؟

بكيبل. الخرسانة بين الأدوار تقطع الواي فاي، ووحدات الـ Mesh اللي تربط لاسلكي تضعف من دور لدور. أكسس بوينت بالسقف بكل دور موصول بكيبل يعطيك نفس السرعة بكل البيت.

نستخدم الـ Mesh بس بالأماكن اللي ما يوصلها كيبل، مثل غرفة بعيدة بالحوش.

وين نحط كاميرات المراقبة بالفيلا؟

برا: كل بوابة، المواقف، جوانب البيت وورا، وباب السطح إذا مستخدم. أغلب البيوت الكويتية ما تحتاج كاميرات داخلية. كل الكاميرات بكيبل على جهاز تسجيل بالبيت، وتشوفها من تلفونك.

الكاميرات اللي بكيبل ما تعتمد على الواي فاي، وأصعب تنخرق من الكاميرات اللاسلكية.

أحتاج شاشة انتركم داخل البيت؟

مو لازم. أغلب الناس يردون على البوابة من تطبيق بتلفونهم ويفتحونها من أي مكان. الشاشات الداخلية اختيارية، مثلاً للمطبخ أو لكبار السن.

وإذا عندك تلفونات IP على سنترال صغير، البوابة ترن عليها وعلى تلفونك بنفس الوقت.

التمديدات قبل اللياسة ولا بعدها؟

أفضل قبل اللياسة والبيت عظم: نمد المواسير وكيبل Cat6 لكل نقطة. وإذا البيت جاهز، نمدها بترتيب بالأسقف والمجاري وما تبين. وبالحالتين كل كيبل مرقّم من الطرفين.

ننصح بنقطة شبكة وحدة على الأقل بكل غرفة، والعدد النهائي على كيفك.

أي خط إنترنت أحسن للفيلا بالكويت؟

أغلب المناطق على 5G مو فايبر. نركّب الراوتر بالمكان اللي فيه أقوى إشارة (فوق السطح إذا خارجي)، نوصله بكيبل لين الكبينة، ونقيس زين وstc وأوريدو بالزيارة.

خطوط الـ 5G المنزلية غالباً ما تعطيك IP عام، فنربط الكاميرات على تلفونك عن طريق تطبيق الشركة المصنّعة.

كم تكلفة شبكة الفيلا؟

تعتمد على البيت، فما نحط أسعار قبل ما نشوفه. تبدأ بزيارة الموقع، وبعدها يجيك التصميم وعرض السعر. الزيارة الفنية للمنازل: 30 د.ك، وتنخصم من فاتورتك النهائية إذا كمّلت ويانا.

طلبات عروض الأسعار يراجعها شخص من فريقنا ويرد عليها خلال 4–8 ساعات عمل.

أي ماركات تركبون؟

العادي TP-Link Omada، والبريميوم Ruijie أو Ubiquiti، وماركات ثانية إذا تبي. للكاميرات والانتركم نقترح الماركة بعد الزيارة حسب البيت.

شلون يمشي مشروع شبكة الفيلا من الزيارة لين التسليم؟

٩ خطوات: تخطط أونلاين، تحجز زيارة، المهندس يعاين، يجيك التصميم وعرض السعر، توافق، نمد الكيبلات، نركّب، نجرب، ونسلّم. التوصيل والتركيب يبدون خلال 2–3 أيام من وصول دفعة الـ 50% المقدمة. ومدة إنجاز المشروع تعتمد على حجمه ومتطلباته.

1. 1خطّط أونلاين0:11المخطط فوق: الأدوار، الشقق، البوابات والأنظمة. ترسله ويا الحجز أو على الواتساب.
2. 2احجز زيارة0:23أونلاين، وتأكيد على الواتساب.
3. 3المعاينة0:33إشارة الـ 5G فوق السطح، الخرسانة بين الأدوار، ومكان كل جهاز والكبينة.
4. 4التصميم وعرض السعر0:46مخطط لكل دور، أماكن الأجهزة، جدول التمديدات، وعرض سعر بخيارات.
5. 5الموافقة0:55دفعة الـ ٥٠٪ المقدمة، ونحدد الموعد.
6. 6التمديدات1:02قبل اللياسة أو بترتيب بعدها، وكل كيبل مرقّم.
7. 7التركيب1:12أكسس بوينت، كاميرات، انتركم، تلفونات، وكبينة فيها السويتش وجهاز التسجيل والـ UPS.
8. 8التجربة1:26الواي فاي بكل غرفة، الكاميرات على تلفونك، والبوابة ترن عندك.
9. 9التسليم1:35المخططات النهائية، البرامج لأهلك، وضمان سنة على الأجهزة.